Bakı. Trend:
Qərbi Azərbaycan İcmasında Qayıdış Konsepsiyası qəbul edilib.
Trend-in məlumatına görə, bu barədə bu gün Qərbi Azərbaycan İcmasının Müşahidə Şurasının yekun iclasında qeyd edilib.
Qeyd edək ki, Qayıdış Konsepsiyasının hazırlanması məqsədilə silsilə tədbirlər, fərdi və qrup halında mütəxəssislərlə görüşlər təşkil olunub. Müzakirələr zamanı yüzlərlə təklif irəli sürülüb, İcmanın Konsepsiyanın hazırlanması ilə bağlı elektron poçtuna çoxsaylı təkliflər daxil olub. Bütün təkliflər İşçi Qrupunda sistemləşdirilib, təhlil edilərək ümumiləşdirilib.