...

UNEC ilə İsrailin Sapir Akademik Kolleci arasında əməkdaşlıq müqaviləsi imzalanıb

Cəmiyyət Materials 14 Fevral 2023 17:07 (UTC +04:00)
UNEC ilə İsrailin Sapir Akademik Kolleci arasında əməkdaşlıq müqaviləsi imzalanıb

Bakı. Trend:

UNEC ilə İsrailin ən böyük dövlət kolleci olan Sapir Akademik Kolleci arasında əməkdaşlıq müqaviləsi imzalanıb. UNEC rektoru professor Ədalət Muradov və Sapir Akademik Kollecinin rektoru professor Nir Kedar arasında imzalanan müqavilə təhsil, eləcə də sahibkarlıq və innovasiyalar sahəsində əməkdaşlığı ehtiva edir.

Müqaviləyə əsasən, hər iki ali təhsil müəssisəsi tərəfindən təhsil sahəsində birgə elmi-tədqiqat təcrübəsi və araşdırmaların aparılması, birgə təhsil (bakalavr, magistratura və doktorantura) proqramlarının təşkili, tələbə və müəllim mübadiləsi, kurikulumun beynəlmiləlləşdirilməsi, virtual mübadilələrin inkişafı, sahibkarlıq və innovasiya, sosial təsir və s. təlimlər nəzərdə tutulub.

Sahibkarlıq və innovasiyalar sahəsində isə birgə innovasiya laboratoriyasının və akselerator proqramlarının yaradılması, innovativ proqramların hazırlanmasında strateji məsləhətlərin və ehtiyacların təhlili, müəllim və tələbələr üçün sahibkarlıq və innovasiya seminarlarının, eləcə də sahibkarlar üçün mentorluq proqramlarının təşkili, İsrail və Azərbaycan üçün maraqlı olan birgə hakatonların keçirilməsi və digər sahələrdə əməkdaşlıq olunacaq.

Məqalədə:
Xəbər lenti

Xəbər lenti