Bakı. Trend:
Azərbaycanda hərbçilərin ərzaq pulu 210-220 manat civarında artırılacaq.
Trend-in məlumatına görə, bunu Müdafiə Nazirliyinin Hüquq İdarəsinin rəisi Elçin Əliyev Milli Məclisin Əmək və sosial siyasət komitəsinin bugünkü iclasında “Hərbi qulluqçuların statusu haqqında”, “Hərbi xidmətkeçmə haqqında” Əsasnamə”nin təsdiq edilməsi barədə”, “Əmək pensiyaları haqqında” və “Hərbi vəzifə və hərbi xidmət haqqında” qanunlara dəyişiklik layihəsinin birinci oxunuşda müzakirəsi zamanı deyib.
O qeyd edib ki, hazırda Maliyyə Nazirliyi bu məsələnin üzərində işləyir.
"Biz də istəyirik ki, verilən pul tezliklə artsın. Bu məsələ mütləq həll olunacaq", - deyə o əlavə edib.