Bakı. Trend:
Tayland turistlərə alış-veriş etmək üçün rəqəmsal aktivləri kredit kartları ilə əlaqələndirmək imkanı vermək üçün kriptovalyutanı ölkənin real iqtisadiyyatına inteqrasiya etməyə çalışır.
Trend-in məlumatına görə, bu barədə "The Nation" qəzeti xəbər verib.
Taylandın baş nazirinin müavini və maliyyə naziri Pxiçay Çunxvaçıranın sözlərinə görə, krallığın Maliyyə Nazirliyi kriptovalyutaların kartlarla əlaqələndirilməsinə icazə vermək üçün bütün dünyada istifadə olunan modelləri araşdırır.
"Bəzi xarici ölkələrdə artıq kriptovalyutanı kredit kartları ilə əlaqələndirərək alış-veriş üçün istifadə etmək mümkündür. Bir şey alındıqda, satıcı çox vaxt alıcının kriptovalyutadan istifadə etdiyini bilmədən yerli valyutada ödəniş alır. Bu yanaşma dərhal Tayland üçün uyğunlaşdırıla bilər", - deyə o bildirib.