Azərbaycan, Bakı / Trend , müxbir E.Hüseynli/ Azərbaycanın futbol üzrə flaqmanı sayılan "Neftçi" klubunun baş məşqçisi Qurban Qurbanovun istefası onun öz xahişi ilə reallaşdırılıb. Bu barədə çərşənbə axşamı Trend ə açıqlamasında klubun vitse-prezidenti Ramin Musayev məlumat verib.
Azərbaycan futbolunun flaqman klubunu tanınmış çexiyalı mütəxəssis Vlastimil Petrjela çalışdıracaq. Qurbanovu əvəzləyəcək çexiyalı məşqçi bir neçə gündür ki, Bakıda olduğunu deyib. O, "Neftçi"də heç də pis futbolçuların cəmləşmədiyini və komandanın inkişafı üçün perspektiv gördüyünü bildirib.
Dünən vətəni Çexiyaya qayıdan Petrjelanın yaxın günlərdə yenidən Bakıya gələrək "Neftçi"ylə bir illik müqavilə bağlayacağı xəbər verilir. Bir ara Rusiyanın "Zenit" klubunu çalışdırmış çexiyalının son iş yeri ölkəsinin "Siqma" klubu olub.
Musayev bildirib ki, Qurbanovun baş məşqçilikdən getməsi onun zəif olması ilə bağlı deyil və o, klubda rəhbər vəzifələrin birində çalışacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
