Azərbaycan, Bakı, 8 oktyabr /Trend/
Bu gün Azərbaycan Premyer Liqasının VIII turunun son oyunu keçirilib.
Trend-in məlumatına görə, "Neftçi" İsmət Qayıbov adına Bakıxanov qəsəbə stadionunda "Turan"ı qəbul edib.
11-ci dəqiqədə Rəşad Sadiqov penaltidən maksimum yararlanaraq bakılıları hesabda irəli çıxarıb (1:0). 37-ci dəqiqədə Erik Ramos hesabı 2:0-a çatdırıb.
Matçın son dəqiqələrində isə Qoqi Pipiya təsəlliverici qola imza atıb (2:1).
Oyunu Anar Salmanov, Yaşar Abbasov, Mübariz Haşımov və Elvin Əsgərovdan ibarət hakimlər briqadası idarə edib.
Beləliklə, "Neftçi" 5 oyundan 9 xalla turnir cədvəlinin 6-cı pilləsində yer alıb.