Azərbaycan, Bakı, 17 noyabr /Trend/
Ermənistan Milli Olimpiya Komitəsinin (MOK) baş katibi Qraçya Rostomyan və MOK-un İdarə heyətinin rəhbəri Vaqinak Qalstyan noyabrın 21-22-də Bakıda keçiriləcək Avropa Olimpiya Komitəsinin 43-cü sessiyasında iştirak edəcəklər.
Trend-in RİA Novosti-yə istinadən verdiyi məlumata görə, bu barədə Ermənistan MOK-un mətbuat xidməti xəbər yayıb.
Məlumatda deyilir ki, iclasın gündəliyinə digər məsələlərlə yanaşı, vacib məsələ - ilk Avropa Oyunlarının keçirilməsi məsələsi daxil edilib.
Qeyd edək ki, Bakıda ilk Avropa Oyunları gələn il iyunun 12-28-də keçiriləcək.