Azərbaycan, Bakı, 17 sentyabr /Trend/
Bu gün "Qəbələ" futbol klubu UEFA Avropa Liqasının qrup mərhələsi çərçivəsində Bakıda "Bakcell Arena"da Yunanıstanın PAOK komandasını qəbul edəcək.
Matç saat 22:00-da start götürəcək.
Trend klubun saytına istinadən məlumat verir ki, "Qəbələ" qarşılaşmanın gec başa çatacağını nəzərə alaraq, Bakı Metropoliteninə bu gün iş rejiminin saat 01:30-dək uzadılması xahişi ilə müraciət edib.
Müraciət Bakı Metropoliteni tərəfindən müsbət cavablandırılıb. "Qəbələ" klubu bu addıma görə Bakı Metropoliteninə təşəkkür edir.