Bakı. Trend:
Aprelin 2-3-də Hövsan Olimpiya İdman Kompleksində kempo döyüş növü üzrə 6-cı açıq Azərbaycan çempionatı keçiriləcək.
Kempo təşkilatının mətbuat xidmətinin rəhbəri Fuad Rəsulun Trend-ə verdiyi məlumata əsasən, iki gün davam edən yarışda Ağcabədi, Şəki, Sumqayıt, Neftçala, Qazax, İsmayıllı, Lökbatan, Ucar və Bakının müxtəlif idman klublarından idmançılar iştirak edəcəklər.
Yarışda 1-ci yeri qazanan idmançılar (gənclər və böyüklər arasında həm "Full", həm də "Submission" versiyalarında) Avropa çempionatında iştirak edəcəklər.