...

Bakıda keçirilən Dünya Yaş Qrupu yarışı: Fransız gimnast qalib gəldi

İdman Materials 26 Noyabr 2021 19:49 (UTC +04:00)
Bakıda keçirilən Dünya Yaş Qrupu yarışı: Fransız gimnast qalib gəldi

Bakı. Trend:

Bakıda keçirilən batut gimnastikası və tamblinq üzrə Dünya Yaş Qrupu yarışlarında 17-21 yaş qrupu üzrə qadınlar arasında tamblinq proqramında Fransadan olan gimnast Manon Morankais (34,700 xal) qızıl medal qazanıb.

Trend xəbər verir ki, gümüş medalı Demi Adams (Böyük Britaniya, 34,100 xal), bürüncü isə Aleksandra Efraimoqlou (Yunanıstan, 33,800 xal) qazanıb.

Qeyd edək ki, 25-28 noyabr tarixlərində keçiriləcək 28-ci Dünya Yaş Qrupları Yarışları 32 ölkədən 650 idmançı iştirak edəcək.

Gimnastlar həm batut, həm tamblinq, həm də ikili mini-batut üzrə yarışlarda 11-12, 13-14, 15-16 və 17-21 yaş kateqoriyasında yarışacaqlar.

Yarışda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər.

Yarışlarda Azərbaycanı 15 gimnast təmsil edəcək. Batut gimnastikasında Selcan Maqsudova, Maqsud Maqsudov, Ammar Baxşəliyev, İbrahim Mustafazadə, Mehdi Əliyev, Nicat Mirzyəyev, Əli Niftəliyev, Şəfiqə Hümbətova, Səma Cəfərova, tamblinq yarışlarında Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Elnur Məmmədov iştirak edirlər.

Məqalədə:
Xəbər lenti

Xəbər lenti