Bakı. Trend:
İlk dəfədir ki, bütün dünyanın diqqətində olan "Formula 1" yarışını izləmək üçün qardaş Azərbaycana gəlirəm.
Bunu Trend-ə "Formula 1 Azərbaycan Qran Prisi"ni izləmək üçün Bakıya İstanbuldan gələn Eren Coşqun deyib.
“Burada gözəl ab-hava var və Bakıda turistlər və avtomobil yarışları həvəskarları üçün əsl bayram təşkil edilib. Milli mətbəx və şəhərin memarlığı yalnız gözəl emosiyalar bəxş edir", - deyə o bildirib.
Onun qardaşı Emir Coşqun da Bakı şəhərinin onu heyran etdiyini bildirib.
"Şəhəri çox bəyəndim, işıqlı, gözəl, qonaqpərvərdir, yenidən Bakıya gəlmək istərdim. Ən əsası isə odur ki, insanlar mehriban və qonaqpərvərdir. İlk dəfədir ki, qonaq kimi "Formula 1"də oluram və dünya ulduzlarının yarışlarından möhtəşəm təəssüratlar alacağıma ümid edirəm", - deyə o bildirib.
Qeyd edək ki, "Formula 1 Azərbaycan Qran Prisi"nə sentyabrın 13-də start verilib. Əsas yarış sentyabrın 15-də keçiriləcək, "Formula 1" və "Formula 2" yarışlarının qalibləri müəyyənləşəcək.
Xatırladaq ki, "Formula 1 Azərbaycan Qran Prisi" 2017-ci ildən Bakıda keçirilir.
