Bakı. Trend:
İspaniya Futbol Federasiyasının İntizam Komitəsi “Real Madrid”in müdafiəçisi Antonio Rüdigeri 6 oyunluq diskvalifikasiya edib.
Trend xəbər verir ki, cəza, alman futbolçunun İspaniya kubokunun finalında hakimə qarşı göstərdiyi kobud davranışa görə verilib.
32 yaşlı müdafiəçi La Liqada mövsümün qalan 5 matçında — "Selta", "Barselona", "Malyorka", "Sevilya" və "Real Sosyedad" qarşılaşmalarında iştirak edə bilməyəcək.
Xatırladaq ki, kubokun finalında "Barselona" "Real Madrid"i 3:2 hesabı ilə məğlub etmişdi.