Bakı. Trend:
Misli Premyer Liqasının II turu çərçivəsində bu gün daha iki qarşılaşma keçirilib.
Trend-in məlumatına görə, günün ilk matçı Şamaxıda oynanılıb. Yerli komanda “Şamaxı” doğma meydanda “Sabah”a 1:2 hesabı ilə məğlub olub. Qeyd edək ki, ilk turda “Qarabağ”la görüşü təxirə salındığından, bu, “Sabah”ın mövsümdəki ilk oyunu olub. “Şamaxı” isə start turunda “Neftçi” ilə səfərdən 1 xalla dönmüşdü (1:1).
Günün ikinci qarşılaşmasında “Turan Tovuz” nominal ev sahibi qismində “Araz-Naxçıvan”la üz-üzə gəlib. Görüşdə Naxçıvan təmsilçisi 2:1 hesabı ilə qalib gəlib. İlk turda “Turan Tovuz” səfərdə “İmişli” üzərində qələbə qazanmışdı (1:0). “Araz-Naxçıvan” isə “Zirə” ilə bərabərə qalmışdı (1:1).
XXX
19:46
Futbol üzrə Misli Premyer Liqasında II turun daha bir oyunu keçirilib.
Trend-in məlumatına görə, ilk turda "Qarabağ"la oyunu təxirə salınan "Sabah" səfərdə "Şamaxı"nın qonağı olub. Görüş Bakı klubunun 2:1 hesablı qələbəsi ilə yekunlaşıb.
Qonaqların heyətində hər iki qolu Coy Lens Mikels vurub. Meydan sahiblərinin heyətində isə Dioqu Balau fərqlənib.
Günün digər matçında "Turan Tovuz" evdə "Araz-Naxçıvan"ı qəbul edəcək. Görüş saat 19:30-da başlayacaq.