Bakı. Trend:
Kanada ABŞ-Kanada-Meksika Azad Ticarət Sazişi çərçivəsində göndərilən bir sıra ABŞ mallarına cavab idxal rüsumlarını ləğv edəcək.
Trend-in məlumatına görə, bu barədə Kanadanın Baş naziri Mark Karni mətbuat konfransında bildirib.
"Kanada Hökuməti <...> CUSMA-ya tabe olan ABŞ mallarına Kanadanın bütün rüsumlarını ləğv edəcək", - deyə o bildirib.
Onun sözlərinə görə, bu tədbir 2025-ci il sentyabrın 1-dən qüvvəyə minəcək.
"Kanada polad, alüminium və avtomobillərə tarifləri saxlayacaq, çünki biz bu məsələləri həll etmək üçün ABŞ ilə intensiv iş görürürk", - deyə o qeyd edib.