...

Yumurtanın qiymətini kim bahalaşdırır? - Quşçular Cəmiyyətindən CAVAB

İqtisadiyyat Materials 30 Noyabr 2017 14:47
Ölkədə quşçuluq broylerlərində yumurtanın qiyməti bahalaşmayıb.
Yumurtanın qiymətini kim bahalaşdırır? - Quşçular Cəmiyyətindən CAVAB

Trend-i buradan izləyin

Bakı. Samir Əli - Trend:

Ölkədə quşçuluq broylerlərində yumurtanın qiyməti bahalaşmayıb.

Bu barədə Trend-ə Açıqlamasında Azərbaycan Quşçular Cəmiyyətinin sədri Aydın Vəliyev deyib.

Onun sözlərinə görə, broyler fabriklərində yumurtanın qiyməti sabit olaraq qalır: "Broylerlərdə yumurtanın qiyməti 11 qəpikdir. Bu qiymət neçə vaxtdır ki, dəyişməz qalıb. Biz yemi xaricdən dollarla alsaq da, qiymət artımı etmirik. Yumurtanın qiymətini mağazalar, sakibkarlar özləri bahalaşdırır. Bunun bizə aidiyyəti yoxdur. Bizdə normal yumurta 11, bir az böyük olan yumurtalar isə 12 qəpikdir".

A.Vəliyev qeyd edib ki, kənd yumurtasının qiyməti isə 16 qəpikdən baha deyil: "Marketlərdə baha olan qiymətlərə biz müdaxilə edə bilmirik. Bizdə əksinə, toyuğun qiymətində 10 qəpik ucuzlaşma olub".

Qeyd edək ki, son zamanlar kənd yumurtasının 1 ədədinin qiymətinin 25 qəpiyədək bahalaşıb.

Məqalədə:
Xəbər lenti

Xəbər lenti