Bakı. Trend:
Azərbaycan Amerikanın tanınmış "The Heritage Foundation" analitik mərkəzinin tərtib etdiyi 2018-ci il üzrə İqtisadi Azadlıq İndeksində mövqeyini yaxşılaşdırıb.
Trend-in məlumatına görə, yeni tərtib olunmuş indeksdə Azərbaycan 64,3 bal toplamaqla (il üzrə 0,7 bal daha yaxşı) 173 ölkə arasında 67-ci yeri tutub.
İndeksdə bildirilir ki, Azərbaycan "azad biznes", "azad ticarət", "əmlak hüququ" və digər kateqoriyalar üzrə mövqelərini yaxşılaşdırıb.
Daha sonra yeni indeksdə qeyd olunur ki, Asiya-Sakit okean regionunda isə Azərbaycan 43 ölkə arasında 14-cü yeri tutub.
"The Heritage Foundation" ekspertləri bildirirlər ki, Azərbaycanın qazandığı orta bal region üzrə orta bal göstəricisini üstələyir.