Bakı. Trend:
Qarşıdakı dövrdə qlobal mühitdə yüksək qeyri-müəyyənliyin davam edəcəyi gözlənilir. Geosiyasi gərginlik, ərzaq və enerji qiymətlərində yüksək dəyişiklik, aparıcı Mərkəzi bankların pul siyasətinin sərtləşməsi və təchizat sahəsində problemlər qlobal iqtisadi artıma mənfi təsir göstərir.
Trend-in məlumatına görə, bunu Mərkəzi Bankın sədri Taleh Kazımov noyabrın 3-də Milli Məclisin İqtisadi siyasət, sənaye və sahibkarlıq komitəsinin iclasında 2023-cü ilin dövlət büdcəsi ilə bağlı müzakirələrdə deyib.
O qeyd edib ki, beynəlxalq maliyyə kredit təşkilatları qlobal iqtisadiyyat üçün 2023-cü ildə iqtisadi artımın zəifləyəcəyi proqnozunu verib:
“Qlobal iqtisadiyyatın artımının zəifləməsi inflyasiyanın 2023-cü il və orta müddətdə daha aşağı olacağını deməyə əsas verir. Lakin inflyasiya inersiyası nəzərə alınmaqla, qiymət artımının azalması tədricən baş verəcək.
Pul siyasəti həyata keçirilərkən məzənnə amilinin inflyasiyaya təsiri nəzərə alınacaq:
“Məzənnə sabitliyi isə öz növbəsində tədiyyə balansının vəziyyətindən və həyata keçirilən fiskal-monitar siyasətlərdən asılı olacaq. Proqnozlaşdırılan ixrac qiymətləri 2023-cü il profisitli tədiyyə balansını gözləməyə əsas verir. 2023-cü il 50 ABŞ dolları ssenarisində cari əməliyyat balansının profistinin ÜDM-ə nisbətinin 11 faiz olacağı proqnozlaşdırılır”, - deyə T.Kazımov əlavə edib.