Bakı. Trend:
Azərbaycan inklüziv iqtisadi inkişaf sahəsinə xüsusi diqqət yetirərək qadın sahibkarlara xüsusi önəm verir.
Trend xəbər verir ki, bunu Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Baş katibi Kayrat Sarıbay bu gün Bakıda keçirilən AQEM-in Biznes Şurasının 8-ci Plenar İclasında çıxışı zamanı deyib.
"Mən çox sevinirəm ki, mənim regionumdan – Qazaxıstandan – qadın sahibkarlardan ibarət böyük nümayəndə heyəti buradadır", - o deyib.
Onun sözlərinə görə, sədrlik tərəfindən AQEM Qadınlar Şurasının yaradılması təşəbbüsü, üzv dövlətlər arasında bu sahədə geniş əməkdaşlığın və dialoqun institutlaşması istiqamətində atılmış konkret bir addımdır, o cümlədən qadınların qərar qəbuletmə proseslərində əhəmiyyətli iştirakını təmin etməklə.
"Deyə bilərəm ki, üzv dövlətlər bu yeni məsləhətçi orqanın fəaliyyətinin genişləndirilməsinə böyük maraq göstərirlər.
AQEM üzv dövlətlərini gənc sahibkarlığa xüsusi diqqət yetirməyə çağırıram. Bu baxımdan, aparıcı universitetlərin tərəfdaşlıq şəbəkəsi, gənc alimlərin və tədqiqatçıların potensialını açmaq üçün istifadə oluna bilər. Bizim gənclərimizin Asiyanın davamlı inkişafına əhəmiyyətli töhfə verə bilməsi üçün onların lazımi bilik, bacarıq və dəstək sistemləri ilə təmin olunması olduqca vacibdir", - Baş katib əlavə edib.
"Azərbaycan sədrliyini “AQEM-də daha güclü əlaqəlilik, rəqəmsallaşma və Asiyada dayanıqlı inkişaf” mövzusu ətrafında qurub. Bu cəlbedici baxış üzv dövlətlər arasında əməkdaşlığın gücləndirilməsinin vacibliyini vurğulayır — bu isə ümumi çağırışların öhdəsindən birlikdə gəlmək və SİKA-nı tamhüquqlu beynəlxalq təşkilata çevirmək istiqamətində atılan mühüm addımdır.
Asiyanın iqtisadi təsiri həm regional, həm də qlobal səviyyədə artmağa davam etdikcə, SİKA-nın iqtisadi ölçüsü, ətraf mühit, humanitar məsələlər, yeni çağırışlar və təhdidlər, hərbi-siyasi aspektlər kimi digər mühüm ölçülərlə yanaşı, regionumuzda sülhün, təhlükəsizliyin, rifahın və davamlı inkişafın təmin olunmasında heç vaxt bu qədər aktual olmamışdır", - o bildirib.
O qeyd edib ki, Azərbaycanın kiçik və orta sahibkarlıq, investisiya, biznes və ticarət sahələrinə göstərdiyi güclü diqqəti yüksək qiymətləndiririk:
"Keçən ilin fevral ayında burada, Bakıda, Cənab Məmmədovla görüşümüz zamanı, biz AQEM Biznes Şurası vasitəsilə KOB-ların rəqəmsallaşmasının dəstəklənməsi, yaşıl iqtisadiyyata keçidin təşviqi və qadın sahibkarlığının inkişaf etdirilməsi ilə bağlı təşəbbüsləri müzakirə etdik. Kiçik və orta sahibkarlar assosiasiyalarının və dövlət orqanlarının nümayəndələrini bir araya gətirən bu məsləhətçi orqan, bu mühüm iqtisadi məqsədlərin həyata keçirilməsində təməl daşı rolunu oynayır.
Bu gün KOB-ların inkişaf etdirilməsi yolları ilə bağlı müzakirələrin aparılmasına vasitəçilik etməkdən məmnunam. KOB-lar iqtisadiyyatlarımızın dayağıdır, innovasiyanı irəli aparır, iş yerləri yaradır və qitə üzrə davamlı iqtisadi inkişafa töhfə verir.
Hörmətli həmkarlar, bu gün spikerlərimiz AQEM regionunda KOB-ların gücləndirilməsini hədəfləyən əsas mövzuları araşdıracaq, bunlara, qeyd etdiyimiz kimi, rəqəmsallaşma, qadın sahibkarlığı və yaşıl keçid daxildir. Onlar həmçinin KOB-ların ağıllı şəhərlərin inkişafındakı roluna da toxunacaqlar".