Bakı. Trend:
Bir gün öz doğma yurdumuza qayıdacağımıza inanırdıq.
Bunu Trend-ə açıqlamasında Ağdam sakini Babayeva Yeganə deyib.
Onun sözlərinə görə, illər öncə məcburi şəkildə tərk etdiyi Kəngərliyə 56 yaşında qayıdır.
"Allah şəhidlərimizi rəhmət eləsin, qazilərimizə cansağlığı versin, Allah Prezidentimizi qorusun. Uzun illər sonra doğma yurda qayıtdığımız üçün çox sevinirik", - deyə o bildirib.
Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 40 mindən çox insan yaşayır.