Azərbaycan, Bakı / Trend , müxbir U.İsmayılova/ Avropa Yenidənqurma və İnkişaf Bankı (AYİB) çərşənbə günü qeyri-bank kredit təşkilatları - CredAgro və Shore Overseas Azərbaycana (SOA Credit) 5 mln. dollar həcmində kredit xətti ayırıb.
CredAgro AYİB-dən 3 mln. dollar həcmində kredit xətti alıb. Vəsait, əsasən , kredit fəaliyyətinin genişləndirilməsi və ölkənin regionlarında kredit verilməsi sahəsində məhdudiyyətlərin aradan qaldırılmasına istiqamətləndiriləcək.
Avropa Bankının SOA Credit üçün ayırdığı kreditin məbləği 2 mln. dollar təşkil edib. Kredit kiçik sahibkarlıq və tikinti sektoruna yönəldiləcək.
Kredit müqaviləsi AYİB-in vitse-prezidenti Varel Friman, CredAgro-nun rəhbəri Eldar Cəfərov, SOA-nun rəhbəri Seit Devdariani tərəfindən imzalanıb.
AYİB Şərqi Avropa, Rusiya, Mərkəzi Asiya və Qafqazda 2 milyona yaxın təşkilata maliyyə dəstəyi göstərir. 188 maliyyə institutu üçün 899 mln. avro həcmində vəsait yatırılıb.