Azərbaycan, Bakı / Trend , müxbir S.Əliyev/ Azərbaycanın Nəqliyyat Nazirliyindən verilən məlumata görə, Bakı-Naxçıvan-Bakı üzrə ilk avtobus marşrutu noyabrın 3-də açılacaq. Marşrut İran ərazisindən keçəcək, belə ki, Naxçıvan Muxtar Respublikası blokadadadır və ölkənin qalan ərazisi ilə yalnız hava rabitəsinə malikdir.
Marşrut Azərbaycan və İran arasında imzalanmış memorandum əsasında açılır. Avtobuslar Bakı beynəlxalq və şəhərlərarası avtovağzalından yola düşəcək. Biletin qiyməti 14 manatdır. Biletləri avtovağzalın kassasından əldə etmək olar.
