Azərbaycan, Bakı/ Trend , müxbir U.İsmayılova/Azərbaycan Prezidenti yanında Qiymətli Kağızlar üzrə Dövlət Komitəsindən verilən xəbərdə bildirilir ki, Dövlət Komitəsi "Nikoyl" İKB-ni cərimələyib.
Dövlət Komitəsi əməkdaşlarının keçirdiyi monitorinq nəticəsində məlum olub ki, bank qanuna zidd olaraq stimullaşdırıcı lotereyaların keçirilməsi haqqında Dövlət Komitəsinə vaxtında məlumat verməyib. Aşkar edilib ki, bank bununla əlaqədar artıq KİV-də reklam aksiyaları keçirir.
İnzibati Qanun Pozuntuları Məcəlləsinə əsasən, "Nikoyl" bank cərimələnib.
Dövlət Komitəsinin məlumatında cərimənin məbləği göstərilməyib.