Azərbaycan, Bakı, 28 fevral / Trend , müxbir İ.Xəlilova / Yeganə təssisçisi Azərbaycan Beynəlxalq Bankı olan "Azərikard" Prosessinq Mərkəzi "Kauthar Bank", "Pasha Bank" ASC və "Avrasia Bank" Səhmdar-Kommersiya Bankı ilə onun sisteminə qoşulmasına dair əsas razılıq bağlayıb, - cümə axşamı Mərkəzdən deyiblər. Nəticədə, "Azərikard" vasitəsilə xidmət göstərilən bankların siyahısı 30-a çatıb.
İlkin mərhələdə bu banklar lokal kartların buraxılışı ilə başlamaq niyyətindədirlər, baxmayaraq ki, "Pasha Bank" və "Avrasia Bank" beynəlxalq ödəmə sisteminə artıq müraciət ediblər.
Hazırda "Azərikard" tərəfindən dövriyyəyə buraxılan kartların ümumi sayı ötən il ərzində bir mln. ədəddən çox artaraq, 2,9 mln.-a çatıb. Mərkəz nümayəndələri sonrakı illərdə belə sürətli artımı gözləmirlər, çünki bazar artıq təchiz edilib. ölkənin kart bazarının ötənilki inkişaf tempi də gözlənilənləri ötüb.
Hazırda dövriyyədə olan bütün kartlar aktiv deyillər, cünki bəzi sahibkarlar bir neçə kartdan istifadə edirlər, müvafiq olaraq, onlar hər gün əməliyyatlar apara bilmirlər. Kartları olmayanlar isə, yaxın illərdə bu bazara cəlb olunacaqlar. Bu proqnozlar Azərbaycanda nağdsız hesabların inkişafı haqqında prezident fərmanına müvafiq olaraq ölkədə aparılan tədbirlərlə əlaqədardır.
Buraxılan kartların böyük hissəsi ABB və "Kapital Bank" tərəfindən buraxılan sosial və əmək haqqı kartlarının payına düşür. Onlar bu bazarın 91 faizini tutur. Siyahıda onların ardınca "Texnikabank", "Bank of Baku", "Azəriqazbank", "Bank Standard", "Bank Respublika" gəlir.
Ötən il ərzində kart bazarında əməliyyatların sayı iki dəfədən artıq, 13 mld.-dan 28 mln. ədədədək çoxalalıb, dövriyyə isə, 881 mln. manatdan 2 380 mln. manata çatıb.
"Azərikard" vasitəsilə xidmət göstərən bankların sayı, üç bankın (Azərdəmiryolbank, "Unibank" və Zaminbank) öz kart biznesinin "Millikart" MMC-yə (onun səhmdarı 18 bankdır) keçirməsindən sonra azalıb.
