...

Bakıya Beynəlxalq Vayuta Fondunun MSD ölkələri üzrə Departamentinin direktor müavini gəlir

Biznes və iqtisadiyyat xəbərləri Materials 7 Mart 2008 16:54 (UTC +04:00)

Azərbaycan, Bakı, 07 mart / Trend , müxbir İ.Xəlilova / Azərbaycan hökumətilə məsləhətləşmələr üçün BVF -in yaradılması sazişinin IV maddəsi ilə əlaqədar martın 10-dan Yaxın Şərq və Mərkəzi Asiya üzrə Departamentin (MSD) direktor müavini Lorenso Peres Bakıda səfərdə olacaq. Bu barədə Valyuta Fondunun Bakı nümayəndəliyindən xəbər verilib.

"O , fevralın 26-dan artıq Bakıda olan nümayəndə heyətinə qoşulacaq" - deyə nümayəndəlikdən xəbər verilib.

Məsləhətləşmələr martın 12-də başa çatacaq. Peres son dəfə Bakıda keçən ilin fevralında səfərdə olub.

Hökumət ilə IV maddənin məsləhətləşmələri BVF - ə üzv olan ölkələrdə - ildə bir dəfə keçirilir. Əsas məqsəd hökumətin ölkə iqtisadiyyatının orta və qısa müddətli inkişafı prespektivlərinin qiymətləndirilməsi, struktur yenidənqurması planlarının müzakirə olunmasıdır.

Missiya səfərin yekunlarının nəticəsi kimi BVF Direktorlar Şurasına hesabat təqdim edir.

Azərbaycan BVF-nin tərkibinə 1992-ci il sentyabrın 18-dən daxildir. Respublikanın Fonddakı kvotası isə,160,9 mln.SDR (248 mln. dollar) təşkil edir. 2008-ci iln yanvarın 1-də Azərbaycanın Fonda borcu 100,6 mln.dollar təşkil edir. 2088-2012-ci illər ərzində Azərbaycan Fonda, əvvəl alınmış kreditlərin ödənişi çərçivəsində, 55, 96 mln. SDR (88,9 mln.dollar) ödəyəcək.

2008-ci il fevralın 14-dən BVF-nin Bakı nümayəndəliyinə Koba Qvenetadze rəhbərlik edir.

Müəlliflə əlaqə ünvanı: [email protected]

Xəbər lenti

Xəbər lenti