Azərbaycan, Bakı, 11 mart/ Trend müxbir S.Babayeva/ Bu həftə Azərbaycan Kənd Təsərrüfatı Nazirlyi nəzdinə Dövlət Baytarlıq Xidməti donuzların afrika taunun aşkar edilməsinə görə, Azərbaycanın Qəbələ rayonunun Nic kəndində tətbiq edilən karantini ləğv etməyi planlaşdırır.
"Yaxın günlərdə kənddə dezinfeksiya başa çatdırılmalıdır. Bundan sonra karantin ləğv ediləcək", - Dövlət Baytarlıq Xidmətinin mətbuat katibi Yolçu Xanvəli çərşənbə axşamı məlumat verib.
Dövlət Baytarlıq Xidməti yanvarın 28-də "afrika taunu"nun aşkara çıxaması səbəbindən Nic kəndində karantin elan edib. Bu Azərbaycan ərazisində "afrika taunu"nun yaranması haqqında ilk faktdır.
Prosedura əsasən, karantin sonuncu xəstə heyvan məhv edildikdən bir ay sonra ləğv edilə bilər. Donuzçuluq təsərrüfatları məhv edilənədək kənddə 4,7 min başdan çox donuz saxlanılırdı. Kənd sakinləri donuzçuluq təsərrüfatlarının fəaliyyətini karantin ləğv edildiyi gündən altı ay sonra bərpa edə bilərlər.
Xanvəlinin sözlərinə görə, kompensasiya ödəniləcək Nic kəndi sakinlərinin siyahısı tərtib edilib və Maliyyə Nazirliyinə təqdim edilib. Vəsaitlər onlara iki ay ərzində veriləcək. Məbləğ hələ müəyyən edilməyib. Onlar heyvanlar arasında xüsusi təhlükəli virus xəstəlikləri, o cümlədən afrika taunun meydana gəlməsi zamanı zərərin ödənilməsi haqqında hökumətin sərəncamına əsasən ödəniləcək. Kompensasiya bazar qiymətləri nəzərə alınmaqla ödəniləcək.
Donuzların "afrika taunu" (Pestis africana suum) - retikul-edotelial sistemin yoluxması ilə xarakterizə edilən kəskin virus xəstəliyidir. Təbii yoluxma sağlam donuzların xəstə və virus daşıyıcları on heyvanlarla əlaqəsi zamanı baş verir. İnfeksiya yem, otlaq, nəqliyyat vasitəsilə yayıla bilər. İnkubasiya dövrü 2-5 gündür. Müalicə hələ ki, tapılmayıb. Xəstəlik çox sürətlə yayıla bilmək qabiliyyətinə malik olduğu üçün profilaktik tədbirlər xəstə olması güman edilən heyvanların ciddi izolyasiyasına yönəlib.
Ölkədə donuzçuluq təsərrüfatları Zaqatala, Şəki, Balakən, Gəncə və Bakı ətrafında saxlanılır.
Məqalə müəllifinin ünvanı: [email protected]