Azərbaycan, Bakı, 02 aprel/ " müxbir İ.Xəlilova/ Azərbaycanın Banklar Assosiasiyası iki istiqamətdə - hüquqi və kredit məsələləri üzrə ilk ekspert qruplarını formalaşdırıb. Onların yaradılması 2007-2011-ci illərdə Assosiasiyanın əsas fəaliyyət istiqamətləri və institutsional inkişafı çərçivəsində nəzərdə tutulub. Bu barədə çərşənbə günü Assosiasiyanın icraçı direktoru Fərhad Əliyev məlumat verib.
"Bank sektoru arasında ötən il aparılan sorğu əsasında bir prioritet istiqamətləri müəyyən etmişik və ekspert qrupları çərçivəsində daha narahatedici problemlər üzrə müzakirələr aparılacaq", - Əliyev dəqiqləşdirib.
İki ekspert qrupunun ilk görüşü iki-üç həftə ərzində baş tutacaq. Hüquq üzrə ekspert qrupu çərçivəsində bank fəaliyyətini reqlamentləşdirən qanunverici aktlara təkliflər, Milli Bankın normativ aktları hazırlanacaq. Kreditlər üzrə ekspert qrupunun vəzifəsinə kreditləşmə ilə bağlı propblemlərinin müzakirəsi daxildir. Belə ki, soğrunun gedişində banklar kreditlərin verilməsi və geri qaytarılmasında problemlərın olmasından danışıblar.
Əliyevin sözlərinə görə, ekspert qruplarının fəaliyyətinin təşkil edilməsi planı çərçivəsində, ilkin olaraq yeddi qrupun yaradılması planlaşdırılıb. Lakin onların sayının artırılması istisna edilmir. Prioritetliyindən asılı olaraq, qruplar müxtəlif istiqamətlərdə - marketinq, informasiya texnologiyaları və s. istiqamətlərdə yaradılacaq.
Ekspert qruplarının vəzifəsinə tövsiyələrin hazırlanması və müvafiq orqanlarının aktlarının, qanun layihələrinin və ya normativ-hüquqi aktlara düzəlişlərinin Assosiasiyanın diqqətinə çatdırılması daxil olacaq.
Müəlliflə əlaqə saxlamaq üçün elektron ünvan: [email protected]