Azərbaycan, Bakı, 05 may / Trend , S.Əliyev/ AZAL Dövlət Konsernindən bildirilib ki, bazar ertəsindən etibarən "Azərbaycan Hava Yolları" milli aviaşirkəti (Azerbaijan airlines) Bakı-Hələb (Suriya) marşrutu üzrə birbaşa reys açıb.
Uçuşlar həftənin bazar ertəsi saat 10:00-da Fransa istehsalı olan ATR - 72-500 nişanlı təyyarələrdə gerçəkləşəcək. Sözügedən hava gəmiləri Dövlət Konserni tərəfindən keçən ildən etibarən əldə edilir.
15 aprel tarixindən etibarən AZAL Bakı-Trabzon (Türkiyə) reyslərini gerçəkləşdirir. Həmin reyslər ATR -72-500 təyyarələri ilə həftənin çərşəmbə axşamları həyata keçirilir.
Bundan əlavə, AZAL Dövlət Konsernindən Bakı-Amman (İordaniya) reyslərinin açılışı ilə bağlı dəqiq təarixin hələki məlum olmadığı bildirilib.
Müəlliflə əlaqə saxlamaq üçün elektron ünvan: [email protected]
