Azərbaycan, Bakı, 16 may/ Trend , müxbir Ü.İsmayılova/ İsrailin iş adamları Azərbaycanda layihələrin reallaşdırılmasında maraqlıdırlar. Bu barədə cümə günü Bakıda, İsrail və Azərbaycan iş adamlarının görüşündə İsrailin kənd təsərrüfatı naziri Şalom Simxon məlumat verib.
"Azərbaycan və İsrailin iş adamları arasında keçirilən görüşlər münasibətlərin inkişafı üçün əhəmiyyətlidir", - Simxon.
İsrail və Azərbaycan iş adamlarının görüşü cümə günü, İsrailin kənd təsərrüfatı naziri Şalom Simxonun səfəri çərçivəsində keçirilib. Görüşün təşkilatçısı Azərbaycanın İxrac və İnvestisiyaların Təvşviqi Fondudur (AZPROMO).
Fonddan verilən məlumata görə, İsrail tərəfdən görüşdə, əsasən, kənd təsərrüfatı şirkətləri, Azərbaycan tərəfdən isə, təqribən 30 şirkət, həmçinin, kənd təsərrüfatı nazirinin müavini Bəhram Əliyev, iqtisadi inkişaf nazirinin müavini Mikayıl Cabbarov və AZPROMO-nun prezidenti Emil Məcidov iştirak ediblər. Onlar, Azərbaycan iqtisadiyyatı, eləcə də kənd təsərrüfatı sektoru haqqında danışıblar.
Müəlliflə əlaqə saxlamaq üçün elektron ünvan: [email protected]
