Azərbaycan, Bakı, 23 may / Trend , müxbir A.Bədəlova/ Beynəlxalq Ərzaq Siyasəti Tədqiqat İnstitutunun departament direktoru Kvado Asenso-Okayere (Kwadwo Asenso-Okyere) hesab edir ki, gələcəkdə də neftin yüksək qiymətinin bu səviyyədə qalması yoxsulluğun kəskinləşməsinə gətirib çıxaracaq.
Bu həftə Dünya Bankı bəyan edib ki, dünya üzrə yoxsulluğun səviyyəsi ərzaq qiymətlərinin artması və düyünün qiymətinin gözlənilmədən azalması səbəbindən yaxın üç ildə əhəmiyyətli dərəcədə yüksələ bilər. Dünya bankının idarəçi direktoru Xuan Xose Dabubun (Juan Jose Daboub) bildirdiyinə görə, qida məhsullarının qiymətinin aşağı düşməsi gözlənilmir. Ərzaq qiymətinin artma tendensiyası minimum olaraq hələ bir neçə il belə qalacaq. Dünya Bankının rəyinə görə, yaxın müddətdə aclıq daha miqyaslı mahiyyət daşıyacaq.
Asenso-Okayerenin sözlərinə görə, ərzaq qiymətlərinin bir müddət yüksək səviyyədə saxlanılmasının səbəbləri var.
"Bu, Asiya, xüsusilə Çin və Hindistanda, həmçinin bəzi Afrika ölkələrində tələbatın artımı ilə bağlıdır. Başqa səbəb bioyanacağın istehsalı üçün taxıl və bitki yağlarından istifadə həcminin artması ilə bağlıdır", - Asenso-Okayere cümə günü Trend -a bildirib.
Onun sözlərinə görə, ABŞ və Avropa İttifaqı bioyanacağın gələcəkdə də yanacağın qazıntı halında olan növlərilə dəyişdirilməsinə səy göstərəcək, bu da neftin yüksək qiymətinin saxlanılmasına gətirib çıxaracaq.
"Beləliklə, gübrələrə, kimyəvi preparatlara və digər kənd təsərrüfatı resurslarına olan yüksək qiymət ərzaq məhsulları qiymətinin artmasına gətirib çıxaracaq", - Asenso-Okayere bildirib.
Son üç ildə dünyada ərzaq məhsullarına olan qiymətlər 60 faiz artıb. 2002-ci ilin əvvəli ilə müqayisədə ərzaq məhsulları üzrə xərclər orta hesabla 2,5 dəfə artıb.
Müəlliflə əlaqə saxlamaq üçün elektron ünvan: [email protected]