Azərbaycan, Bakı, 02 iyun/ Trend , müxbir İ.Xəlilova/Bu gün Minskdə Azərbaycanın İxrac və İnvestisiyaların Təşviqi Fondu (AZPROMO) Belarusiyanın Ticarət Palatası və Belarus Xarici İşlər Nazirliyi nəzdində Marketinq və Konyuktura Mərkəzi ilə informasiya mübadiləsi haqqında iki memorandum bağlayacaq. Bu barədə bazar ertəsi fonnddan məlumat veriblər. İmzalanma mərasimi hazırda keçirilən Azərbaycan-Belarus biznes-forumu çərivəsində baş tutacaq.
Biznes-forumun işində iştirak edən Azərbaycanın nümayəndə heyətinə AZPROMO-nun rəhbəri Emil Məcidov rəhbərlik edir. Onun tərkibinə həmçinin tikinti, qida sənayesi, maşınqayırma sahələrində ixtisaslaşmış 10 yerli şirkətin nümayəndələri daxildir.
Bu, iki ölkənin işgüzar dairələrinin ikinci görüşüdür. Birinci biznes-forum 2008-ci ilin yanvarında Bakıda keçirilib.
Son illər ölkələr arasında qarşılıqlı əlaqələr nəzərəçarpacaq dərcədə genişlənib. Lakin mövcud mal dövriyyəsi ikitərəfli münasibətlərin real iqtisadi potensialını əks etdirmir. Beş il ərzində ölkələr arasında mal dövriyyəsi beş dəfə artıb. Lakin ümumilikdə 2006-cı ilin yekunları üzrə cəmi $37 mln.-a, ötən ilin yekunları üzrə isə $79,3 mln.-a çatıb ki, bunun $76,9 mln.-u idxalın payına düşür.
İkitərəfli iqtisadi qarşılıqlı münasibətlərin vacib istiqaməti BM-in təşkili və fəaliyyət göstərməsi üçün əlverişli şəraitin yaradılması üzrə işlərdir. Hazırda Azərbaycanda Belarus tərəfinin iştirak etdiyi 12 firma və müəssisə qeydiyyatdan keçib. "Bakı fəhləsi" maşınqayırma zavodu və Belarusun "MZKT" müəssisəsi arasında neft və qaz quyularının qazılması üçün mobil qurğuların birgə istehsalı üzrə əməkdaşlıq həyata keçirilir.
Azərbaycan Beynəlxalq Bankı tərəfindən təsərrüfat subyektlərinin ixrac-idxal əməliyyatlarının kreditləşdirilməsi məqsədilə müvafiq hesablama hesabları açılıb. Bundan əlavə, ABB və "Belpromstroybank" ASC arasında uzunmüddətli və qarşılıqlı faydalı əlaqələrin qurulması üzrə iş aparılır.
İyunun 2-nə olan rəsmi məzənnə 0,8201 AZN/USD.
Müəlliflə əlaqə saxlamaq üçün elektron ünvan: [email protected]
