Azərbaycan, Bakı, 04 iyun / Trend , müxbir S.Babayeva/ Mayın 1-nə olan məlumata əsasən, Naxçıvan Muxtar Respublikasının (NMR) 251,3 min nəfər təşkil edən iqtisadi fəal əhalisinin 188,5 min nəfəri işlə təmin olunub. Bu barədə NMR-in Bakıdakı daimi nümayəndəliyindən məlumat veriblər.
"Yanvar-aprel ərzində NMR-in məşğulluq idarələri tərəfindən 841 nəfər işlə təmin olunub", nümayəndəlikdən bildiriblər.
NMR-də işsizlik üzə orta müavinət məbləği 58,4 manata çatır ki, bu da iqtisadiyyatda məşğul olan əhalisinin orta aylıq əmək haqqının 27,8 faizini təşkil edir.
2003-cü ilin oktyabrından 2008-ci ilin aprelindək NMR-də ümumilikdə 32 min yeni, o cümlədən də 20 mindən çox daimi iş yeri açılıb. Yalnız bu ilin birinci rübü ərzində 1398 iş yeri açılıb. Onlardan 964-ü daimidir.
