Azərbaycan, Bakı, 18 iyun/ Trend müxbir İ.Əlizadə/ Azərbaycanın iqtisadi inkihaf naziri Heydər Babayev hesab edir ki, inflasiyanı 2008-ci ildə hökümətin bir qədər əvvəl elan etdiyi rəqəmlər səviyyəsində (12-14 faiz) saxlamaq mümkün olmayacaq.
"2008-ci ildə inflasiya ilə əlaqədar Azərbaycan hökümətinin proqnozları özünü doğrutmayacaq. Bu birbaşa ölkə iqtisadiyyatında baş verən proseslrlə əlaqədar deyil. Bu dünya prosesləri ilə əlaqəlidir", nazir jurnalistlərə çərşənbə günü bildirib.
Onun sözlərin görə, son 30 il ərzində inflasiya Avropa İttifaqı ölkələrində də yüksək həddə çatıb.
"Azərbaycan höküməti infilasiya aid proqnozlarında dəyişiklər edir. Proseslər çox tez keçir. Bu əsasən ərzaq bazarına aiddir", deyə Babayev əlavə edib.
Müəlliflə əlaqə saxlamaq üçün ünvan: [email protected]
