Azərbaycan, Bakı, 14 iyul/ Trend , müxbir Ü.İsmayılova/ Azərbaycanın ən böyük lizinq şirkətlərindən olan Ata Leasing, yanvar-iyunun nəticələrinə görə, portfeli 2,6 mln.manata çatdırıb, - bazar ertəsi şirkətdən bildiriblər. Bir il ərzində şirkətin portfeli 116 faiz artıb.
Şirkət altı ay ərzində ümumi dəyəri 1,2 mln.manat olan 34 lizinq müqaviləsi bağlayıb.
Şirkətdən bildirildiyinə görə, portfelin 88,8 faizi Bakının, qalan 11,2 faiz ölkə regionlarının payına düşüb.
İqtisadiyyat sahəsi üzrə portfelin strukturu aşağıdakı şəkildə olub:
Tikinti 25,6 faiz, sənaye istehsalı 20,6 faiz, nəqliyyat 19,1 faiz, qida məhsulları istehsalı 10 faiz, yol infrastrukturu 4,3 faiz, tikiş sənayesi 2,3 faiz, səhiyyə 1,7 faiz, kommunal təsərrüfat 1,4 faiz, xidmət sahələri 1,3 faiz, ev tikintisi 1 faiz, telekommunikasiya 0,4 faiz.
Şirkətin yanvar-iyun üzrə gəliri 426,3 min manat olub ki, bu da 2007-ci ilin analoji dövrünün göstəricisindən 153 faiz çoxdur. Kapital gəliri (RoE) 16 faiz, aktiv gəlirləri (RoA) 6 faiz olub.
Ata Leasing şirkəti Ata Bankın törəmə şirkətidir və Azərbayacnın lizinq bazarında 2004-cü ildən fəaliyyət göstərir.