Azərbaycan, Bakı, 19 iyul/ Trend , müxbir Ü.İsmayılova/ Yanvar-iyunda Azərbaycanın nəqliyyat vasitələri 37344,9 min ton yük daşıyıb ki, bu da 2007-ci ilin analoji dövrünə nisbətdə 3,9 dəfə çoxdur, - şənbə günü Dövlət Gömrük Komitəsindən bidiriblər. Bu dövr ərzində yük ixracı 32553,1 min ton, idxal 4791,8 min ton olub.
Yarım il ərzində dəniz nəqliyyatı ilə 306,1 min ton, dəmiryolu - 8036,6 min ton, avtomobil - 332,9 min ton, hava nəqliyyatı ilə 2 min ton yük daşınıb, boru kəmərləri ilə nəql 23871,8 min ton təşkil edib.
Azərbaycanın ərazisi vasitəsilə yanvar-iyunda tranzitlə 3366 min ton yük daşınıb ki, bu da keçən ilin göstəricisi ilə müqayisədə təxminən 130 faiz çoxdur.
Azərbaycanın ərazisi vasitəsilə tranzitlə İtaliyaya 1118,3 min ton, İsveçrəyə 994,8 min ton, Gürcüstana 517,8 min ton, Tacikistana 212 min ton, Türkiyəyə 128,6 min ton, İrana 138,1 min ton, Rusiyaya 91 min ton, Qazaxıstana 22,2 min ton, Türkmənistana 97,6 min ton yük daşınıb.
