Azərbaycan, Bakı, 23 avqust/ Trend / Azərbaycan nəqliyyatçıları TransAvropa dəmir yolu və avtomagistralı layihələrinin Baş Planını BMT-nin Avropa İqtisadi Komissiyasına üzv ölkə ekspertlərinin sentyabrın 2 - 4 -də Hallştatda (Avstriya) keçiriləcək görüşündə müzakirə edəcəklər, - Nəqliyyat Nazirliyinin məlumatında deyilir.
İclasda 2004-2005-ci illərdə qəbul edilmiş dəmir yolu və avtomobil layihələrinə, bütün iştirakçı ölkələr çərçivəsində, Baş Planın coğrafi əhatəsinin genişləndirilməsinə, nəqliyyat infrastrukturunun imkan və problemlərinin müzakirəsinə yenidən baxılacaq.
Azərbaycanın nümayəndə heyəti Azərbaycan Nəqliyyat Nazirliyinin nəqliyyat siyasəti, iqtisadiyyat və beynəlxalq münasibətlər şöbələrinin nümayəndələrindən ibarət olacaq.
