Azərbaycan, Bakı, 08 sentyabr/ Trend , müxbir İ.Xəlilova/ Dünya Bankı (DB) və Beynəlxalq Maliyyə Korporasiyasının (BMK) birgə hesabatı - "Doing Buisness 2009: İslahatları necə aparmalı" hesabatının nəticələrinin açıqlanması və Azərbaycan hökuməti ilə gələcək addımların müzakirəsi üçün DB-nin Doing Buisness üzrə Departamentinin rəhbəri Penelopa Bruk sentyabrın 11- də Bakıya səfər edəcək,- bazar ertəsi BMK-nın Bakı ofisindən bildiriblər. [Əvvəllər hesabatın müəlliflərindən biri və artıq DB - də bu vəzifəni tərk edən Semion Dyankov Azərbaycana səfər edib.]
Səfər biznesin aparılmasının sadəliyinin qiymətləndirilməsinin keçirldiyi ölkələr üzrə road-show çərçivəsində baş tutacaq. Hesabat sentyabrın 10 - da dərc ediləcək.
Hökumət biznesin aparılmasının sadəliyini qiymətləndirən Dünya Bankının reytinqində ölkənin mövqeyinin əhəmiyyətli dərəcədə yaxşılaşacağını gözləyir. DB nümayəndələrinin rəyinə görə, ölkədə işgüzar iqlimin yaxşılaşdırılmasında, Prezidentin 2007- ci il 30 aprel tarixli "Sahibkarlığın inkişafı üzrə bəzi tədbirlər haqqında" fərmanı vacib rol oynayıb. Fərman çərçivəsində, biznesin qeydiyyatı sistemi sadələşdirilib, vergi siyasəti təkmilləşdirilib və daşınmaz əmlakın qeydiyyatı üzrə tədbirlər həyata keçirilib. Tikinti üçün pasportların hazırlanması, torpaqların ayrılması, tikililərin ekspertizası prosedurlarının sadələşdirilməsi və digər islahatların keçirilməsi ilə bağlı qərarın qəbul ediləcəyi gözlənilir.
Ölkədə işgüzar iqlimin yaxşılaşdırılmasında, Prezidentin 2007- ci il 30 aprel tarixli "Sahibkarlığın inkişafı üzrə bəzi tədbirlər haqqında" fərmanı vacib rol oynayıb.
Bu tədbirlərlə əlaqədar Azərbaycanın islahatçı ölkələr onluğuna düşəcəyi gözlənilir.
2008 - ci il yanvarın 1 - dən sahibkarlıq subyektləri "vahid pəncərə" prinsipi üzrə qeydiyyatdan keçir. Bundan əlavə, hökumət Sahibkarlığa Kömək Milli Fondu vasitəsilə güzəştli kreditlərin ayrılmasını davam etdirir, fermerlər üçün güzəştlər isə özəl sektorun inkişafında vacib rol oynayır.
"Vahid pəncərə" prinsipinin tətbiqinin (2008 - ci il yanvarın 1- dən Vergilər Nazirliyinin vahid qeydiyyat orqanı) nəticəsində, yeni müəssisələrin qeydiyyat dövrü 72 gündən maksimum 3 günədək, addımların sayı 15 - dən 5- dək azaldılıb.
Beynəxalq təcrübəyə əsasən, işgüzar iqlim üzrə hesabatın tələblərinə uyğun olaraq, bank hesabının açılması və notarial qeydiyyatın müddəti bir gün olmalıdır.Qeydiyyat sistemi və digər istiqamətlər üzrə keçirilən islahatların nəticəsində Gürcüstan 112 - ci yerdən 37- ci, sonuncu hesabat üzrə isə 18 - ci yerədək irəliləyib. Bu gün Azərbaycan öz mövqeyini cəmi üç pillə yaxşılaşdıraraq, 96-cı yerdə qərarlaşıb.
Prosedurların sadələşdirilməsi nəticəsində, qeydiyyatdan keçmiş hüquqi şəxslərin sayının hər il 10 -15 min artacağı gözlənilir. Bu vaxtadək bu rəqəm 4 -5 mini ötməyib. Fiziki şəxslərin sayı isə, 20 -30 min olub.
Qeydiyyat prosedurunun liberallaşdırılmasına görə, dünya təcrübəsində başqa vəziyyət müşahidə edilir. ABŞ - da hər il qeydiyyatdan keçən 25 mln. sahibkarın 17 mln-u hüquqi şəxslərin payına düşür.
Bu gün respublikada 70 mindən çox sahibkarlıq subyekti və 200 min fərdi sahibkar fəaliyyət göstərir.
"Biznesin aparılması 2008" tədqiqatında, sahibkarlıq fəaliyyətinin nizamlanmasının 10 sahəsində məlumatları nəzərə alan biznesin aparılması şərtlərinin yaxşılaşması göstəricilərinə müvafiq 178 dövlətin reytinqi göstərilib.
Müəlliflə əlaqə saxlamaq üçün elektron ünvan: [email protected]
