Azərbaycaın maliyyə sektorunun dərinliyi lazımi səviyyəyə çatıb – AMB - nin rəhbəri
Azərbaycan, Bakı, 24 oktyabr/ Trend , müxbir N.İsmayılova/ Azərbaycanın maliyyə sektorunun dərinliyi lazımi səviyyəyə çatıb və bu gün bank sisteminin aktivləri qeyri -neft ÜDM -ni 60 faiz qabaqlayır, - Azərbaycan Milli Bankı İdarə Heyətinin sədri Elman Rüstəmov MDB-yə üzv dövlətlərin cümə günü Bakıda keçirilən "Birlik ölkələrinin maliyyə bazarları: inkişaf və inteqrasiya" beynəlxalq bank konfransında bildirib.
"Bank sisteminin inkişaf dinamikasından əvvəl radikal transformasiyalar dövrü gəlib, - Rüstəmov bildirib. - Müasir maliyyə konstruksiyası və sürətli institusionallaşmanın yaradılması sayəsində, müstəqillik illəri ərzində bank sektoru milli iqtisadiyyatın islahatlar aparılan aparıcı sektorlarından biri olub".
Onun sözlərinə görə, aktivlər sürətlə artdıqda, banklar yeni və ya risk menecmenti sisteminin kifayət dərəcədə işlənilmədiyi daha az tanış sektorlarda işləməyə başlayır. Buna görə, balanslaşdırılmamış artım, xüsusilə də artımın dünya iqtisadiyyatnda vəziyyətin kəskinləşməsi şəraitində, maliyə sabitliyinə çağırışdır.
"Bu vəziyyətdə AMB bankların maliyyə dayanıqlılığı əsasının möhkəmləndirilməsi üzrə təhlükəsizlik "yastığının" yaradılması üçün intensiv işlərə başlayır", - AMB rəhbəri bildiirb. - Tənzimləyici kimi, AMB-nin siyasəti sağlam mühafizəkarlıq prinsipləri üzərində qurulub.
AMB aktivlərin keyfiyyətinə, kreditlərin girov təminatına qarşı tələbləri sərtləşdirib, aktivlər üzrə 14 faiz səviyyəsində müəyyən edilmiş ehtiyatların yaradılmasına, kapitalın adekvatlılığına tələbləri artırıb. 2006-cı ilin sonundan başlayaraq, banklarin beynəlxalq bazarlardan fəal surətdə vəsait borc götürmələri nəzərə alınmaqla, dünya likvidlik böhranı şəraitində bankların yalnız cari deyil, uzunmüddətli likvidliyinin idarəsi sisteminə qarşı tələblər artıb.
AMB hədsiz xarici borclanmaların saxlanılması üzrə bir sıra xəbərdaredici tənzimləyici tədbirlər görüb. Bununla yanaşı, bankları bazarda daha ölçülmüş və ehtiyatlı hərəkətə motivasiya etmək, korporativ idarəetmənin risklərin idarə edilməsi sistemini təkmilləşdirmək məqsədilə, bank cəmiyyətləri ilə məsləhətləşmələr aparılır. Hazırki şəraitdə Milli Bank həm ayrıca bankda, həm də ümumilikdə iqtisadiyyatda preventiv hərəkətlərin sonrakı realizəsi ilə, vəziyyətin daha dərin analizinə yönəlmiş məzmunlu nəzarət həyata keçirir.
Nəticədə, Azərbaycanın bank sektoru dünya maliyyə böhranına daha az məruz qalıb. Bu gün bankların xarici borcları məcmu öhdəliklərin 18 faizini təşkil edir. Həm aktivlər, həm də öhdəliklərin strukturu kifayət qədər diversifikasiya edilib ki, bu da sistemə sabit rejimdə fəaliyyət göstərmək imkanı verir.
Aktivlərin keyfiyyəti heç bir təhlükə doğurmur. Belə ki, işləməyən kreditlər ümumi kredit portfelinin 2,5 faizini təşkil edir.
Müəlliflə əlaqə saxlamaq üçün elektron ünvan: [email protected]
