Azərbaycan, Bakı, 24 oktyabr/ Trend , müxbir N.İsmayılova/ "MDB İcra Katibliyi Müstəqil Dövlətlər Birliyinin 2020 - ci ilədək iqtisadi inkişaf strategiyası layihəsinin hazırlanmasını başa çatdırıb ", - deyə cümə günü Birliyin icraçı katibi Sergey Lebedev Bakıda keçirilən "Birlik ölkələrinin maliyyə bazarları: inkişaf və inteqrasiya" beynəlxalq bank konfransında bildirib.
"Layihə strategiyası hazırdır və biz onu təsdiq üçün MDB dövlət başçıları Şurasına təqdim edəcəyik. Şuranın iclası noyabrın 14 - də Kişinyovda keçiriləcək", - deyə Lebedev bildirib.
Ötən ilin oktyabrında MDB -yə üzv dövlətlərin rəhbərləri Birliyin gəlcək inkişaf strategiyası konsepsiyasını, reallaşdırma planını təsdiq ediblər və 2020 - ci ilədək olan dövrdə MDB - nin strateji inkişaf strategiyasının hazırlanması məsələsini qarşılarına məqsəd qoyublar.
İqtisadi inkişaf strategiyasında əsas yer iri sərmayə və innovasiya layihələrinin birgə hazırlanması və reallaşdırıldması, səmərəli ödəmə - hesabat əlaqələri mexanizminin yaradılmasına verilib.
"Bu müsbətdir, lakin biz ABŞ - da başlayan və il ərzində közərən dünya maliyyə böhranının MDB ölkələrinin maliyyə bazarları və kredit - maliyyə institutlarını, stabilliyi pozan prosesinə cəlb edərək, son aylar gücləndiyinin şahidi oluruq", - deyə Birliyin icraçı katibi bildirib.
MDB -də valyuta nizamlanması və nəzarətinin yüngülləşdrilməsi barədə Saziş layihəsi nəzərdən keçirilmək üçün hökumətlərə təqdim olunacaq. Bu, Birliyin bank - rezidentlərinin MDB ölkələri bazarına daxil olmasını asanlaşdıracaq.
Məqalə müəllifi ilə əlaqə ünvanı - [email protected]
