...

Azərbaycan vergi qanunvericiliyi pozuntularının sayı azalıb

Biznes və iqtisadiyyat xəbərləri Materials 27 Oktyabr 2008 19:44

Trend-i buradan izləyin

Azərbaycan, Bakı, 27 oktyabr/ Trend , müxbir İ.Xəlilova/ Azərbaycanın Vergilər Nazirliyinin həyata keçirdiyi operativ nəzarət tədbirlərinin yekunlarına əsasən, 923 vergi ödəyicisi tərəfindən vergi qanunvericiliyini pozması faktları aşkar edilib. Tədbirlər sentyabrın 22 - dən oktyabrın 19 - dək keçirilib.  Əvvəlki aylarda qanun pozucularının sayı mini ötürdü.

Nəzərdən keçirilən dövr ərzində 447 vergi ödəyicisi nəqd hesablamaların aparılması qaydalarını pozub, 77 - də xarici valyutanın ödəmə vasitəsi kimi qəbul edilməsi faktları aşkarlanıb. Aparılan tədbirlər nəticəsində, vergi orqanlarında uçota düşmədən fəaliyyət göstərən 127 vergi ödəyicisi aşkar edilib, 143 vergi ödəyicisi xüsusi icazənin alınmasını tələb edən sahələrdə fəaliyyət göstərib.

Operativ nəzarət tədbirləri zamanı 20 vergi ödəyicisində əmək müqaviləsi bağlanılmadan işə cəlb edilən 24 fiziki şəxs aşkar edilib. 46 vergi ödəyicisi fərqləndirmə nişanları almadan sərnişin daşınmaları həyata keçirib, 50 nəfər ictimai yerlərdə valyuta alqı-satqısı əməliyyatları aparıb.

Aksiz markaların tətbiqinə nəzarət məqsədilə 13 vergi ödəyicisində 252,6 manat dəyərində müvafiq nişanlanması olmayan 301 mal aşkarlanıb.

Oktyabrın 27-nə olan cari mübadilə məzənnəsi -- 0,8116 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti