...

İnflyasiyanın artım templərinin saxlanılması üçün Azərbaycanda makroiqtisadi idarəetmədə koordinasiya sistemi gücləndiriləcək

Biznes və iqtisadiyyat xəbərləri Materials 4 Noyabr 2008 20:58 (UTC +04:00)

Azərbaycan, Bakı, 04 noyabr/ Trend , müxbir N.İsmayılova/ 2009 - cu ildə Azərbaycanda qiymətlərə hər hansı xarici amilin təsirinin olmaması şəraitində ölkədə inflyasiya səviyyəsinin 12-14 faiz səviyyəsində olacağı gözlənilir, - Milli Məclisə təqdim edilmiş 2009-2012-ci illərin dövlət büdcəsi layihəsində bildirilir. Ortamüddətli perspektivdə bu göstəricinin birrəqəmli səviyyəyə çatdırılması gözlənilir.

Bu dövrdə məzənnə siyasətinin məqsədi real effektli məzənnə səviyyəsinin daimi qiymətləndirilməsinin aparılması və ölkənin qeyri - neft sektoruna mənfi təsir olmadan "holland sindrom"undan yayınmaq olmalıdır.

[2008 - ci ilin yanvar-sentyabrında illik hesablamada inflyasiyanın artımı 21,5 faiz təşkil edib.]

Azərbaycan Milli Bankının (AMB) pul - kredit siyasəti makroiqtisadi sabitliyin qorunmasına və inflyasiyanın idarə edilə bilən səviyyədə saxlanılmasına yönəldiləcək. 2009 - 2012- ci ildə ölkənin valyuta ehtiyatlarının kəskin artımı üzrə proqnozlar pul kütləsinin xeyli çoxalmasına əsas yaradır. Belə şəraitdə pul təklifinin çevik sterilizasiyası proqnozlaşdırılır. Bu vəzifənin uğurla reallaşdırılması üçün pul və fiskal siyasətlərin sıx qarşılıqlı əlaqəsi lazımdır və qiymətli kağızlar bazarının və ümumilikdə maliyyə institutlarının inkişafına xüsusi diqqət yönəldiləcək.

Eyni zamanda, hökumət pul siyasətinin sterilizasiya potensialının möhkəmləndirilməsi məqsədilə dövlət qiymətli kağızların yerləşdirilməsi həcmini artırmağı planlaşdırır.

Yanvar - oktyabrın yekunlarına əsasən, ölkənin fond bazarında həcmi 2068,4 mlrd. manat olan sazişlərin 97,42 faizi dövlət qiymətli kağızları hesabına təmin edilib.

Pul - kredit siyasəti çərçivəsində, makroiqtisadi idarəetmədə koordinasiya sistemini gücləndirmək planlaşdırılır.

Noyabrın 4- nə olan cari mübadilə məzənnəsi -- 0,8097 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti