Azərbaycan, Bakı, 21 noyabr / Trend , müxbir Ü.İsmayılova/ Azərbaycan Dövlət Gömrük Komitəsi hökumətə çoxpilləli gömrük rüsumları sistemlərindən azpilləliyə keçmək barədə təklifi hökumətə təqdim edib, - Dövlət Gömrük Komitəsinin rəhbəri Aydın Əliyev cümə günü deyib. 2009-cu il yanvarın 1-dən yeni sistemə keçiləcəyi gözlənilir.
"Yaxın günlərdə Azərbaycanda 0-0,5, 3, 5, 10 və 15 faizli gömrük rüsumlarının çoxpilləli sistemindən istifadə olunur. Biz 0, 5, 15 faiz tariflərini saxlamaqla onların sayını azaltmağı təklif etmişik", - Əliyev deyib.
Onun sözlərinə görə, bu təklif gömrük prosedurunun mükəmmələşdirilməsi çərçivəsində gerçəkləşdirilir. Bunu Azərbaycanın Ümumdünya Ticarət Təşkilatına (ÜTT) üzvlüyü çərçivəsindəki öhdəliklərlə bağlamaq olmaz.
İstehsal təyinatlı (xammal və avadanlıq) malların əksəriyyətinə, hətta bu gün 0,5 faizlə gömrük rüsumu yığılanlara belə sıfır tarifi təyin olunacaq. Bu, Nazirlər Kabinetinin sərəncamı ilə artıq idxal zamanı sıfır tariflə ƏDV təyin olunan əmtəə qrupları növlərinə (xüsusən 84 və 85 qruplara) da aiddir. Respublikaya idxal olunan əmtəələrin 10-15 faizi onların payına düşür.
Azərbaycanın ÜTT-yə üzvlüyü çərçivəsində gömrük orqanlarının qarşısına iki vəzifə - gömrük vergilərinə və rüsumlarına yenidən baxmaq və yeni model tətbiq etmək, eyni zamanda intellektual mülkiyyətin qorunmasının təmin edilməsi vəzifələri qoyulub.
Müəlliflə əlaqə ünvanı: [email protected]
