Azərbaycan, Bakı, 24 noyabr/ Trend , müxbir İ.Xəlilova/ Türkiyənin dövlət naziri Gürşat Tuzmenin dekabrın 4 - də Bakıya rəsmi səfəri çərçivəsində, Azərbaycan - Türkiyə biznes - forumunun keçirilməsi planlaşdırılır, - Azərbaycanın İxrac və İnvestisiyaların Təşviqi Fondundan (AZPROMO) bazar ertəsi bildiriblər.
Dövlət nazirini təxminən 100 nəfərdən ibarət böyük nümayəndə heyəti müşayiət edəcək. Forumda iştirak üçün tikinti, səhiyyə, elektrik avadanlığı, qida sənayesi, maşınqayırma, kənd təsərrüfatı, poliqrafiya, telekommunikasiya və mebel istehsalı sahəsində ixtisaslaşan müxtəlif biznes - dairələrdən nümayəndələr gələcək. AZPROMO - dan bildirdiklərinə görə, Azərbaycan tərəfdən tədbirdə biznes -şirkətlərin daha geniş dairəsi təmsil olunacaq.
"Azərbaycan və Türkiyə arasında, xüsusilə də kiçik və orta sahibkarlıq sahəsində birgə əməkdaşlıq üçün qarşılıqlı maraq yaranıb", - Fonddan bildiriblər.
Türkiyənin Azərbaycandakı səfirliyindən bildirdiklərinə görə, dövlət nazirinin Azərbaycana səfəri dekabrın 6 - dək davam edəcək.
Bu, 2008-ci ildə keçiriləcək ilk Azərbaycan - Türkiyə biznes-forumu olacaq.
Bu gün Türkiyənin ölkənin qeyri - neft sektorundakı sərmayələrinin xüsusi çəkisi ən böyükdür və 2,5 mlrd. dolları ötür. 2008 - ci ilin 10 ayı ərzində Azərbaycan iqtisadiyyatına yatırılan Türkiyə sərmayəsinin ümumi həcmi 132,7 mln. dollar təşkil edib ki, bu da ötən ilin analoji dövrü ilə müqayisədə 0,3 faiz azdır.
Türkiyə, Azərbaycanın xarici ticarət tərəfdaşları arasında 2,6 faiz xüsusi çəki ilə ilk onluğa daxildir. 2008 - ci ilin doqquz ayı ərzində ölkələr arasında ticarət dövriyyəsi 1 141,4 mln. dollar təşkil edib. Həcmi 589,7 mln. dollar olan idxal əməliyyatları ixrac əməliyyatlarından 38,1 mln. dollar çoxdur.
Müəlliflə əlaqə saxlamaq üçün elektron ünvan: [email protected]
