Azərbaycan, Bakı, 10 dekabr/ Trend , müxbir S.Babayeva/ Azərbaycanın noyabrda təmir-bərpa işləri səbəbindən fəaliyyətini dayandıran iri metallurgiya müəssisəsi Baku Steel Company (BSC) istehsalı bərpa edib.
"Biz qısa müddət ərzində tökmə xətlərindən birini təmir etdik. Hazırda istehsal texiniki problemsiz həyata keçirilir", - deyə çərşənbə günü şirkətdən bildiriblər.
Əvvəllər BSC metal xammalın çatışmazlığı səbəbindən fəaliyyətini dəfələrlə dayandırıb.
Şirkətdən bildiriblər ki, bu gün zavoda olduqca az həcmdə xammal daxil olur - sutkada cəmi 200-500 ton, lakin layihə gücünə görə bu göstərici 1,4 min tona çata bilər.
"Bu az həcmdir, lakin müəssisədə istehsalı dayandırmamaq üçün hələ ki, yetərlidir", - deyə şirkətdəki mənbə bildirib.
Bu gün ölkənin ən iri vergi ödəyicilərindən biri olan BSC-nin istehsal gücü ildə 350 min ton təşkil edir.