Azərbaycan, Bakı, 11 dekabr/ Trend , müxbir S.Babayeva/ "Dünya maliyyə böhranını nəzərə alaraq, Azərbaycanda özəl pensiya fondlarının yaradılması prosesinin yavaşıması hökumətin daha düzgün qərarıdır", - Dövlət Sosial Müdafiə Fondunun sədri Səlim Müslümov cümə axşamı bildirib.
"Qlobal maliyyə böhranı hakimiyyətin apardığı siyasətin düzgünlüyünü göstərib; qonşu dövlətlərdə özəl pensiya fondları böyük itkilər verirlər", - Müslümov deyib.
Onun sözlərinə görə, bu gün ölkədə özəl pensiya fondlarının yaradılması, bu fondlarda vəsaitlərin yığılması və onların yerləşdirilməsi üçün müəyyən vaxt tələb olunur.
"Buna vaxt lazımdır. Lakin prosesin özünün yavaşıması düzgün addımdır", - o bəyan edib.
Ölkədə qeyri-dövlət pensiya fondlarının yaradılması yalnız maliyyə bazarlarının inkişafından sonra aktual ola bilər, - Azərbaycanın maliyyə naziri Samir Şərifov əvvəllər bildirib. Onun rəyinə görə, bu gün ölkədə maliyyə institutları kifayət qədər inkişaf etməyib. Özəl pensiya fondlarının yaradılarkən başlıca məsələlərdən biri onların sərmayə portfelinin formalaşdırılması və əhalinin bu fondlara etibarıdır.
Nazir hesab edir ki, əvvəlcə hökumət, bu pensiya fondlarının vəsaitlərinin riskli əməliyyatlara yatırılmas faktları ilə üzləşməmək üçün, onların yerləşdirilməsi qaydalarını hazırlamalıdır.
Dövlət Fondunun mütəxəssislərinin hazırladığı "Qeyri-dövlət pensiya fondları haqqında" Qanun layihəsi hələ 2005-ci ilin avqustunda hökumətə təqdim edilib.
Müəlliflə əlaqə saxlamaq üçün elektron ünvan: [email protected]
