Azərbaycan, Bakı, 17 dekabr/ Trend , müxbir İ.Xəlilova/2008-ci ilin 11 ayı ərzində Azərbaycanın ÜDM-i ötən ilin analoji dövrünün göstəricisi ilə müqayisədə 11,5 faiz artıb. Bu barədə çərşənbə günü Dövlət Statistika Komitəsindən məlumat veriblər. Cari qiymətlərdə ÜDM-in göstəricisi 34 660,6 mln. manat təşkil edib. Əhalinin adambaşına düşən ÜDM həcmi 10,3 faiz artaraq 4051,5 manat ($4922,3)təşkil edib.
İqtisadiyyatın bütün sahələrində məhsul istehsalının ümumi həcmi 10,6 faiz artaraq, əsas hissəsini - 60,3 faizini (20909 mln. manat) sənayenin təşkil etdiyi ÜDM-in 73 faizinə bərabər olub. Xidmətlər sahəsinin ÜDM-də xüsusi çəkisi 2007-ci ildəki 21,4 faizən 19,5 azalıb. Xidmətlər sahəsində əlavə dəyər istehsalı ötən ilin analoji dövrü ilə müqayisədə 13 faiz artıb. Məhsul və idxaldan xalis vergilər ÜDM-in 7,5 faizini təşkil edib.
Yanvar-noyabr ərzində kənd təsərrüfatı, ovçuluq sektoru və meşəçilikdə 1888,9 mln. manatlıq əlavə məhsul istehsal edilib ki, bu da ümumi ÜDM-in 5,4 faizini təşkil edir. Tikinti sektorunda - 2515,7 mln. manat (7,3 faiz), nəqliyyat sektorunda - 1893,8 mln. manat (5,5 faiz), rabitə və poçt xidmətləri sektorunda - 546 mln. manat (1,6 faiz) topdan və pərakəndə satışda, avtomobil sahəsində, məişət məmulatları və şəxsi istifadə predmetlərinin təmiri üzrə xidmətlər sahəsində - 1753,2 mln. manat (5,1 faiz), restoran və mehmanxana sektorunda - 250,2 mln. manat (0,7 faiz), sosial və digər xidmətlərin göstərilməsində - 2297,6 mln. manat (6,6 faiz) əlavə dəyər formalaşıb.
Dekabrın 17-nə olan cari mübadilə məzənnəsi - 0,802 AZN/USD
Müəlliflə əlaqə saxlamaq üçün elektron ünvan: [email protected]
