...

Gürcüstan Dəmir Yolu Azərbaycanda vaqonların relsdən çıxmasından zərər çəkməyib

Biznes və iqtisadiyyat xəbərləri Materials 24 Dekabr 2008 19:02 (UTC +04:00)

Gürcüstan, Tbilisi, 24 dekabr/ Trend , müxbir N.Kirtsxaliya/ Gürcüstan Dəmir Yolu Azərbaycanda vaqonların relsdən çıxmasından zərər çəkməyib. Müəyyən problemlər barədə məlumat daxil olsa da, Gürcüstan tərəfi zərər çəkməyib, - "Gürcüstan Dəmir Yolu" MMC-dən Trend -a bildiriblər.

"Biz zərər çəksəydik, bir qayda olaraq, onun ödənilməsi daşıyıcının üzərinə qoyulardı", - MMC-dən bəyan ediblər.

Azərbaycan Dövlət Dəmir Yolu (ADDY) çərşənbə axşamı "Gürcüstan Dəmir Yolu"nun boksitlə yüklənmiş vaqonlarının relsdən çıxması nəticəsində Tovuz rayonu ərazisində dağılmış kiçik dəmir yolu sahəsini bərpa edib, - ADDY-dən işlərə yaxın mənbə çərşənbə günü bildirib.

"Dağılmış yol sahəsi artıq təmir edilib, baş verən hadisə qatarların hərəkətinə təsir göstərməyib", - mənbə bildirib.

Çərşənbə axşamı Gəncə və Sumqayıta gedən boksitlə yüklənmiş dörd vaqon (səkkizindən) relsdən çıxıb. Vaqonlar "Gürcüstan Dəmir Yolu" MMC-yə məxsus olub. Vaqonların relsdən çıxması ilə məhsul itkisi olmayıb.

ADDY-nin hərəkət təhlükəsizliyi üzrə xüsusi texniki müfəttişlik komissiyası baş verən hadisənin səbəblərini araşdırır. Bütün variantlar nəzərdən keçirilir. Komissiya on gün ərzində təhqiqata yekun vuracaq, - mənbə deyib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti