Azərbaycan, Bakı, 04 may / Trend , müxbir İ.Xəlilova /
Azərbaycan Hökumətinin iqtisadi bloku Vergi Məcəlləsinə tətbiqi 2010-cu ildən gözlənilən əlavə və dəyişiklik paketi üzrə müzakirələri başa çatdırıb və ötən həfətənin sonunda nazirlər səviyyəsində görüş keçirilib. Bu barədə ölkə hökumətindən bildiriblər.
"Sənəd mayın 15-dək nəzərdən keçirilməsi üçün Parlamentə təqdim olunmalıdır", - deyə hökumətdən vurğulayıblar.
Vergi Məcəlləsinə dəyişikliklər layihəsinin hazırlanma prosesi Vergilər və Maliyyə nazirliklərinin təkliflərindəki variantlar səbəbindən yubanıb. Maliyyə Nazirliyi birbaşa vergilər üzrə dərəcələrin azaldılması mövqeyindən çıxış edib. Yəni mənfəət vergisi ilə yanaşı, hazırda 35 faiz təşkil edən gəlir vergisinin maksimal dərəcəsinin azaldılmasını da təklif edirdi.
2008-ci ildən maksimal dərəcəsi 35 faiz olan gəlir vergisindən gələn məbləğ 2 min manat təşkil edib və Maliyyə Nazirliyi dərəcənin 20 faizə endirilməsini təklif edir.
Lakin Vergilər Nazirliyi tərəfindən hazırlanan vergi qanunvericiliyinə düzəlişlər layihəsi gəlir vergisi faizlərinin azaldılmasını nəzərdə tutmur. Vergilər Nazirliyi öz variantında mənfəət vergisinin 2 faiz azaldılaraq 20 faizə çatdırılmasını və əlavə dəyər vergisinin 1 faiz azaldılaraq 17 faizə çatdırılmasını təklif edir.
Öz təkliflərini hesablamalarla əsaslandıran Maliyyə Nazirliyi hesab edir ki, ƏDV dərəcəsinin 1 faiz azaldılmasından dövlət büdcəsi 140 mln. manat itirir, eyni zamanda gəlir vergisi dərəcələrinin hətta 15 faiz azaldılmasından itki cəmi 50 mln. manat təşkil edəcək. ƏDM üzrə dərəcələrin azaldılmasından büdcə itirəcək, çünki bu vergi üzrə vergiqoyma bazası daha genişdir, nəinki maksimum faizini əsasən xarici şirkətlərin ödədiyi gəlir vergisindən.
"Biz əlavə gəlir vergisi faizlərinin azaldılmasına lüzum görmürük, çünki bu vasitəli vergidir və vergiödəyiciləri dövriyyəsindən yığılır, lakin mənfəət vergisi faizlərinin azaldılmasını dəstəkləyirik, halbuki birbaşa vergi dərəcələrinin azaldılması yerli istehsalın inkişafına əhəmiyyətli təsir göstərəcək", - deyə əvvəllər Maliyyə Nazirliyinin nümayəndəsi bildirib.
Vergi Məcəlləsinin yeni redaksiyaya tətbiqi 2010-cu ildən mümkündür. İlk dəfə olaraq bu il vergi qanunvericiliyinə düzəlişlər birinci yarımilliyə olan dövlət büdcəsindən ayrı qəbul olunacaq. Bu, nəzərdən keçirmə prosesini və büdcə proqnozlarının təsdiqini yüngülləşdirəcək, vergiödəyicilərinə vergi qanunvericiliyinə dəyişikliklər ilə qabaqcadan tanış olmasına imkan yaradacaq.
Azərbaycanda vergi dərəcələri üzrə son dəyişikliklər 2006-cı ildə edilib və faizlər mənfəət vergisi üzrə 24 faizdən 22 faizə azaldılıb. 2008-ci ildən gəlirləri 2 min manatadək (əvvəllər 600 manat)olan fiziki şəxslərdən 14 faiz dərəcə üzrə gəlir vergisi, 280 manat + 2000 manatdan artıq olanlardan isə 35 faiz dərəcə üzrə vergi alınır.
Bununla yanaşı, 14 faiz dərəcə üzrə vergi alınan illik gəlir plankası 24 min manat təşkil edir. 35 faiz olanlar isə 3360 manat + 24 000 manat təşkil edir.
Büdcə gəlirləri 12,177 mlrd. manat (o cümlədən mərkəzləşdirilmiş gəlirlər 11,698, yerli gəlirlər 0,479 manat) və ya ÜDM-in 27,9 faiz, xərclər 12,355 mlrd. manat (mərkəzləşdirilmiş xərclər 11,095 mlrd. manat, yerli xərclər 1,259 mlrd. manat) və ya ÜDM-in 28,3 faizi səviyyəsində təsdiq edilib.
Vergilər Nazirliyi dövlət büdcəsi daxilolmalarının 5,75 mlrd. manatını (2008-ci il ilə müqayisədə 6,9 faiz artımla) təmin etməlidir. Neft sektorundan vergi daxilolmaları 2,68 mlrd. manat (2008-ci illə müqayisədə 7,6 faiz az), qeyri-neft sektorundan 3,07 mlrd. manat (23,8 faiz artımla) planlaşdırılıb.
Məqalə müəllifi ilə əlaqə ünvanı: [email protected]