Gürcüstan, Tbilisi, 12 may / Trend , müxbir N.Kirtsxaliya /
Tkibuli rayonunda yerləşən "Georgia Industrial Group" holdinqinə aid müəssisənin bu gün açılış mərasimində Gürcüstan Prezidenti Mixail Saakaşvili iştirak edib.
Müəssisə Türkiyənin "Küçük Makina" şirkəti tərəfindən quraşdırılan müasir avadanlıqlarla təchiz edilib.
Zavod bir saat ərzində 150 ton kömür emal edə bilər. Müəssisədə yüzlərlə yerli sakinin işlə təmin ediləcəyi gözlənilir.
Saakaşvilinin sözlərinə əsasən, Tkibulidə kömür istehsalının dirçəlməsi üçün Kaspidə sement istehsalı bərpa edilib. Bunun üçün alman investorunun cəlb edilməsi vacib idi. Bunun ardınca Türkiyədə də investor axtarışına başlanıldı. "Göründüyü kimi səylərimiz əbəs olmayıb", - Prezident qeyd edib.
Məqalə müəllifi ilə əlaqə ünvanı: [email protected]
