...

MDB ölkələri Astanada hava nəqliyyatı sahəsində razılaşma imzalayacaqlar

Biznes və iqtisadiyyat xəbərləri Materials 14 May 2009 15:09 (UTC +04:00)

Azərbaycan, Bakı, 14 may / Trend /

Mayın 22-si Astanada (Qazaxıstan) keçiriləcək MDB hökumət başçılarının iclası çərçivəsində MDB üzv-ölkələri tərəfindən dövlət hava obyektləri ilə bağlı aviasya hadisələrinin araşdırılması sahəsində əməkdaşlıq barədə razılaşmanın imzalanması planlaşdırılır. Bu barədə MDB İcrayə Komitəsinin məlumatında deyilir.

Məlumatda qeyd olunur ki, razılaşmaya əsasən, bir MDB ölkəsinin dövlət hava nəqliyyatı obyekti təşkilata üzv digər ölkə ərazisində aviasiya qəzasına düşdükdə MDB ölkələri dövlət hava obyektləri ilə bağlı hadisələrin araşdırılması qaydalarına uyğun olaraq, hadisəni birgə təhqiq edəcəklər.

Azərbaycanın hava nəqliyyatı məsələləri ilə Nəqliyyat Nazirliyinin tərkib hissəsi olan "Azərbaycan Hava Yolları" QSC məşğul olur.

"Hazırda imzalanacaq sənədlər barədə hər hansı məlumatımız yoxdur", - QSC-dən deyiblər.

Xəbər lenti

Xəbər lenti