Azərbaycan, Bakı, 25 may / Trend müx U. İsmayılova /
Azərbaycan Mərkəzi Bankı nəzdində fəaliyyət göstərən, 2007-ci ilin yayından etibarən vəsait çatışmazlığı səbəbindən ipoteka kreditlərinin verilməsini dayandırmış Azərbaycan İpoteka Fondu (AİF) sığorta agentlərinin siyahısını yeniləyib, bazar ertəsi AİF-dən bildiriblər.
Yeni siyahıya əvvəl təsdiq edilmiş 11 sığorta şirkətindən 10-u daxil edilib. Fond xətti ilə ayrılmış ipoteka kreditlərinin sığortalanması imkanına Azersigorta, Alfa Sigorta, Atasigorta, Atesgah Sigorta, Basak-İnam Sigorta, Beynelxalq Sigorta, MBASK, Pasa Sigorta, Standard İnsurance, Baki Sigorta malikdir.
İpoteka kreditləşməsi çərçivəsində, bu şirkətlərin fəaliyyət sferasına kredit alanın həyatının sığortalanması daxildir.
Azərbaycanda ümumilikdə 28 sığorta şirkəti fəaliyyət göstərir.
AİF əvvəllər 23 səlahiyyətli bank təşkilatı vasitəsilə ipoteka kreditlərini maliyyələşdirib. Fond ipoteka kreditləşməsini vəsait çatışmazlığı səbəbindən dayandırıb. Azərbaycan İpoteka Fondu indiyə qədər səlahiyyətli banklar vasitəsilə verilmiş 63,9 milyon manat krediti maliyyələşdirib. Bu ümumi ipoteka portfeli həcminin 94 faizini təşkil edir. 2006-cı ilin martından 2007-ci ilin iyununa qədər, AİF mənzil alışının maliyyələşdirilməsi üzrə aktiv əməliyyatlar aparan zaman, banklar tərəfindən 67,9 milyon manat məbləğində kredit verilib.
2005-2008-ci illər üçün Azərbaycan büdcəsində AİF vasitəsilə ipotekaların maliyyələşdirilməsi üçün 94 milyon manat nəzərdə tutulub, onlardan yalnız banklar vasitəsilə 68 milyon manat ayrılıb.
2009-cu il üçün dövlət büdcəsindən sosial ipotekanın maliyyələşdirilməsi üçün 14,5 miyon manat ayrılıb.
Mayın 25-nə olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə ünvanı: [email protected]
